መመላእታ ቅድመ-ምድላዋት

ቈልዑ መሳርሒ መሳርሒ ኺመሃሩ መዝሙር ኪመሃሩ ወይ ብጕጅለ ዀይኖም ኪዝምሩ ይኽእሉ እዮም። እቲ ትምህርቲ ብውልቃውን ብጕጅለን እዩ ዚካየድ። ኣብ መዘምራን ኦርኬስትራ ወይ ጕጅለ ሰባት ሙዚቃ ይሰርሑን ብሓባር ይዝምሩን እዮም። እቲ ቤት ትምህርቲ ሙዚቃ ብኽፍሊት ይኽፈል።

ብዛዕባ እቲ ዝቐረበ ሓበሬታ ካብ ቤት ትምህርቲ ወይ ካብ ቤት ጽሕፈት ምምሕዳር ከተማ ክትረክብ ትኽእል ኢኻ።
 

> ሓፈሻዊ ትሕዝቶ ናይ ሙዚቃ ኣብያተ ትምህርቲ ኣብ ካንቶን ሰይንት ጋለን ሓድሽ መስኮት

ቈልዑ ብተወሳኺ ኣብ ቤት ትምህርቲ ብዝተፈላለዩ ናይ ደገፍ ስጕምትታት ደገፍ ክወሃቦም ይኽእል እዩ። ነዚ ዕላማ እዚ ንምፍጻም ከም ናይ ዘረባ ሕክምና፣ Integrierte schulische Förderung (ISF) ወይ ናይ ተውህቦ ትምህርቲ ዝኣመሰለ ፍሉይ ትምህርቲ ኣሎ።

ይኹን እምበር እዚ እኹል ዘይኰነሎም ቈልዑ እውን ኣለዉ ። ነዞም ቈልዑ እዚኣቶም ኣብ Kleinklasse ኺምህሮም ይኽእል እዩ።

ውሉድካ ተወሳኺ ደገፍ ምስ ዘድልዮ እቲ መምህር ክነግረካ እዩ። ኣብ ርእሲ እቲ ኣብ ክፍሊ ዚወሃብ ትምህርቲ ውሉድካ ብኸመይ ኪድግፍ ከም ዚኽእል ብሓባር ክትመያየጡ ኢኹም። ንውሉድካ ዚኸውን ፍሉይ ናይ ትምህርቲ ስጕምትታት ተወሳኺ ወጻኢታት ኣይከፍልን እዩ።
 

> ብቛንቋ ጀርመን እተዳለወ ጽሑፍ ሓድሽ መስኮት

ክለባትን ትካላትን ንቘልዑ ኣብ ከም ስፖርት ወይ ሙዚቃ ዝኣመሰለ እተፈላለየ መዳያት ይድግፉ እዮም። እዚ ኮርሳት እዚ ድሕሪ ናይ ትምህርቲ ሰዓታት እዩ ዚካየድ።

ኣብ ስፖርት፣ ሙዚቃ ወይ ንድፊ ፍሉይ ተውህቦ ንዘለዎም መንእሰያት ዚኸውን ናይ ተውህቦ ኣብያተ ትምህርቲ ኣሎ። እዚ ድማ ኣብ Sekundarstufe I ክካፈል ይኽእል እዩ።
 

> ዝርዝር ናይ ተውህቦ ኣብያተ ትምህርቲ ኣብ ካንቶን ሰይንት ጋለን ሓድሽ መስኮት

ናይ ቤት ትምህርቲ ማሕበራዊ ስራሕ ንዅሎም ተመሃሮ ወለዲ ወይ መምህራን ሕቶታት ጸገማት ወይ ቅልውላው የጋጥሞም ይሕግዝ። ቤት ጽሕፈት ማሕበራዊ ስራሕ መብዛሕትኡ ግዜ ኣብ ህንጻ ቤት ትምህርቲ እዩ ዚርከብ። እቲ ምኽሪ ብናጻ እዩ።
 

  > መሐበሪ ማሕበራዊ ዕዮ ቤት ትምህርቲ ኣብ ካንቶን ሰይንት ጋለን ሓድሽ መስኮት

ኣብያተ-ትምህርቲ እቶም ቈልዑ ኣብ እዋን ምሳሕ ዚከናኸኑሉ ኣብ ትሕቲ ቝጽጽር ዚግበረሉ ናይ ምሳሕ ሰደቓ የዳልዋ። ኵሉ ሰብ ጥዑይን ምዉቕን እተፈላለየን ምግቢ ይረክብ እዩ።

ድሕሪ ድራር እቶም ቈልዑ ጸወታታትን ስእላዊ ናውትን ኣለዎም ኣብኡ እውን ዕዮ ገዛ ኺሰርሑ ይኽእሉ እዮም።

ሓበሬታ ካብ ቤት ጽሕፈት ቤት ትምህርትን ኣብ ወብ ሳይት እቲ ቤት ትምህርትን ይርከብ።

ማእከል መዋእለ ሕጻናት (ማእከል Kita ተባሂሉ እውን ይጽዋዕ) ካብ 0 ክሳዕ 4 ወይ 6 ዓመት ዝዕድሚኦም ቈልዑ ይከናኸን። እቲ ማእከል መብዛሕትኡ ግዜ ካብ ሰኑይ ክሳዕ ዓርቢ ን11-12 ሰዓታት ክፉት እዩ።

መዓልታዊ ክንክን ኣብ ስሩዕ መዓልታዊ ንጥፈታት እዩ ዚካየድ። ቈልዑ ብሓባር ይበልዑ፣ ጸወታን ዕረፍትን ድማ ኣለዎም።

ብዛዕባ ኣብ ካንቶን ሰይንት ጋለን ዝርከብ ማእከል Kita  ብኢንተርነት ክትፈልጥ ትኽእል ኢኻ ወይ ከኣ ኣብ ቤት ጽሕፈት ምምሕዳር ከተማ ክትሓትት ትኽእል ኢኻ።

ኣብ መዓልታዊ ስድራ ቤት ሓደ ወይ ካብኡ ንላዕሊ ቈልዑ ኣብ እንዳ እቲ ኣላዪ ቘልዓ ይከናኸን እዩ። እዚ  ድማ ኣብ ሓደ ሰዓት ፍርቂ መዓልቲ ወይ ምሉእ መዓልቲ ክግበር ይከኣል እዩ።

ኣብ ስድራቤት ክንክን ሕጻናት ፍሉይ ብርታዐ ኣለዎ እቲ ኣላዪ ወትሩ ሓደ ዓይነት እዩ። እዚ ኸኣ ምስቲ ቘልዓ ጥብቂ ርክብ ኪፈጥር ይኽእል እዩ። ብተወሳኺ እቲ ጕጅለ ቘልዑ ንእሽቶ ስለ ዝዀነ እቲ ኽንክን በብውልቂ ኺዳሎ ይኽእል እዩ።

ቀይሕ መስቀል ስዊዘርላንድ (SRC) ሰይንት ጋለን ሓድሽ መስኮት ኣብ ህጹጽ ኵነታት ክንክን ቈልዑ ክሕግዘካ እዩ።

ክንክን ቈልዓ ናብ ገዛኻ ይመጽእ እሞ ከምዚ ዝስዕብ እንተ ዀይኑ ይሕግዝ፦

• ከም ወለዲ መጠን ሓሚምካ ሓደጋ ኣጋጢሙካ ወይ ከኣ ኣብ ሆስፒታል ትነብር ኣለኻ 
• ንግዜኡ ኣብ ኣጸጋሚ ዅነታት ኢኻ ዘለኻ (ንኣብነት ድሕሪ ሕርሲ ምፍልላይ ኣብ እዋን ጥንሲ ሞት ወዘተ)

ንተቐማጦ ከተማ ሰይንት ጋለን ኣገልግሎት ክንክን ሕጻናት ማእከል ደቂ ኣንስትዮ ሓድሽ መስኮት ሓላፍነት ኣለዎ። ንዝያዳ ሓበሬታ ናብ 071 222 04 80 ደውል።